Desde seculos Strasburg es un loco de
incontro de homines de nationes differente. Hodie iste belle citate es
le puncto de convergentia de homines ex tres continentes. Le
institutiones de Europa labora pro facer disparer le frontieras
geographic e politic. Sed resta le frontieras linguistic, unes
obstaculos e impedimentos del communication ben difficile.
Traductores e interpretes habillissime se
effortia pro superar los. Hodie con 11 linguas official illes travalia
in 110 combinationes. Post le allargation del Union Europee non
sufficera plurilinguismo. Multilinguismo esserea un
designation plus adequate. Ancora 6 linguas augmentara le problema e le
costos: 16 linguas significa 272 combinationes de interpretes. In
Strasbourg se presenta hodie le alternativa contra le chaos costose
per le motto de nostre Conferentia: Interlinguacommunication sin
frontieras.
In Strasbourg inter su multe cives famose
viveva Gutenberg, considerate le inventor del typographia. Su invention
faceva possibile le accesso de libros a milliones per un idea genial. In
loco de fabricar gravuras individual de cata pagina, ille utilisava le
facto que cata littera o typo pote esser un ingrediente intercambiabile
in innumerabile altere paginas.
Io vide, con un poco de imagination, un
parallela in le mundo del linguas: Con pena e labor le homines es
fortiate apprender un lingua post le altere. Illes debe gravurar un
pagina individual pro cata populo. Ma in omne le linguas europee
existe un grande numero de parolas de origine latin e grec, le si-nominate
vocabulario international que in su forma standardisate on appella
interlingua. Per un breve studio de interlingua on apprende iste
vocabulos utilisabile, recyclabile in multe idiomasun idea
tanto genial como illo de Gutenberg.
Su utilisation preparatori pro le
inseniamento de linguas moderne e de latino es le plus proxime del
objectivos de nostre Union Mundial de Interlingua: le introduction de un
breve periodo de inseniamento de interlingua esserea un enorme ganio
pedagogic e economic.
Le altere objectivo: Interlingua como
instrumento general de communication practic es plus difficile a
attinger. Ma totevia illo es forsan le sol solution pro organisationes
transnational!
Pro organisationes europee existe certe
optiones. Tosto ante le allargation un decision debe esser prendite:
Lassar
crescer le numero de linguas empleate de 11 con 99 (11
x 9)
combinationes de traduction usque a 17, i.e., con 272 combinationes (17
x 16),
e finalmente con 21 linguas con 480 (21
x 20).
Introducer
discriminationcontra le charta del UEe usar solmente le grande
linguas: anglese, espaniol, francese, germano e italianodifficile a
defender ante le 40 mill. de poloneses (pro non parlar de omne nostre
statos non-grande).
Le
alternativa le plus probabile: dar al anglese le position de monopolio
total. Isto es le alternativa al qual multe parve nationes darea su votonon
al bilinguismo. Ma esque isto esserea conforme al attitude tanto
honorabile del angleses de fair play E que dicerea le franceses?
Io
time que le sol modo de evitar iste situation e al mesme tempore
conservar le influentia del latinitate (le ver hereditage commun del
populos de Europa) es dar le preferentia a interlinguale sol idioma
que es familiar a omne europeos con le beneficios del latino sin le
difficultates del grammatica del latino classic!
Iste quarte alternativa es le plus rational
e le plus in conformitate al tradition del cultura de Europa: le latino
supervivente, o sia interlingua. Interlingua functiona. On lo vide. On
lo audi. Nunc le mundo debe saper iste facto!
(Per Ingvar Stenstrm, fil. mag., ex Panorama,
septembre-octobre 1997)
[Retro a
Interlinguistica]
[Vade al prime pagina]